ÓskarP (Óskar Pétur Sævarsson)

Ferill:

ÓskarP byrjaði í uppistandi fyrir um tveim árum. Hefur hann komið fram og verið veislustjóri fyrir nokkur fyrirtæki og björgunarsveitir á Suðurnesjum þar sem hann sækir heimahaga sína og mikið af efninu sínu. ÓskarP reyndi fyrir sér í gríni á Bandaríkjunum veturinn 2010 og 2011 samfara því sem hann stundaði nám þar. Kom hann fram á 5 stöðum við miklar og góðar undirtektir.

Byrjunin:

Fyrsta uppistand ÓskarsPé var haldið á Top Of The Rock í Reykjanesbæ og eftir það byrjuðu fyrirtæki og vinahópar að bóka drenginn á uppákomur á sínum vegum.

Uppáhalds grínistar og uppistandarar:

Allir þeir grínistar sem eru stuttir og hnitmiðaðir í sínu gríni.

Hápunkutur/hápunktar ferilsins til þessa:

Að fylla skemmtistaðinn Paddy's og standa á sviði í einn og hálfan tíma í hálfgerðu maraþons uppistandi.

Skemmtilegast við að vera grínisti:

Allt fólkið og stundirnar sem þú færð að upplifa á sviði þar sem fólk grætur yfir bröndurunum þínum.

Leiðinlegast/erfiðast við að vera grínisti:

Það er ekkert leiðinlegt við að vera grínisti. Það eina sem er erfitt er að ryðjast í gegnum kvennahópinn sem bíður manns þegar maður kemur af sviði.

Hvað finnst þér gera virkilega góðan grínista?

Góður undirbúningur áður en grínistinn mætir á svæðið.

Hvernig húmor er uppáhaldið þitt?

Kaldhæðinn húmor sem byggir á djúpri hugsun eða ótrúlegri lífsreynslu.

Framtíðar takmark:

Að búa í vita með páfagauk og hlaupabretti.

Rökkvi Vésteinsson | GSM : 8950024 | Email : smelltu hér | Uppistand.is